धक धक धड़के काळजो

धक धक धड़के काळजो तो कुण इने समझाय

Dhak Dhak Dhadke Kaaljo To Kun Ine SamJhaye

धक धक धड़के काळजो तो कुण इने समझाय,
मैं बरजू रे बटाउँड़ा म्हासूं मत ना नेण मिलाय।
खड़ी नीम के नीचे मैं तो एकली,
जातोड़ो बटाऊँ म्हाने छाने छाने देख ली,
ओले छाने देख ली ओले छाने देख ली
जातोड़ो बटाऊँ म्हाने छाने छाने देख ली।

किसे देश से आया भँवर जी किसे देश थे जावेला,
कूण्यां जी रा कुँवर लाड़ला साँची बात बताओला,
में थाने पूछूँ खड़ी कंवर जी एकली,
जातोड़ो बटाऊँ म्हाने छाने छाने देख ली।

परदेशी बलम रसिया म्हे जोवां थारी बाटड़ली,
आवण में थे देर करी तो कइयाँ कटेली रातड़ली,
कर सोल्हा श्रृंगार उडीकू एकली,
जातोड़ो बटाऊँ म्हाने छाने छाने देख ली।

प्रीत लगाकर भूल नहीं ज्याज्यो याद घणी थारी आवेली,
पंगलया री पायलड़याँ थाने झाला देर बुलावेली,
कइयाँ रहूँ ली थारे बिन बालम एकली,
जातोड़ो बटाऊँ म्हाने छाने छाने देख ली।
खड़ी नीम के नीचे मैं तो एकली,
जातोड़ो बटाऊँ म्हाने छाने छाने देख ली,
ओले छाने देख ली ओले छाने देख ली
जातोड़ो बटाऊँ म्हाने छाने छाने देख ली। 

Dhak Dhak Dhadke Kaaljo To Kun Ine SamJhaye

इन राजस्थानी भजन को भी देखे –

• जगमग जगमग जोतां जागी मंदिर जोत सवाई माँ
• चिरमी म्हारीं चिरमली चिरमी रा डाळा चार
• घना दिन सो लियो रे अब तो जाग मुसाफिर जाग
• तनधारी जग में अवधु कोई नहीं सुखिया रे
• काँटो लाग्यो रे सतसंगत में म्हारे खड़क रह्यो ओ दिन रात
• होई जाओ संत सुधारो थारी काया जी
• सुन सुन रै सतसंग री बातां
• रमझम रैल चलाई रे जोगिया
• हम जाने वाले पंछी मत हमसे प्रीत लगाना
• डाली कर जोड़ सुनावे निज सतगुरु ने समझावे
• काया ने सिंगार कोयलिया पर मंडली मत ज्याजे रै
• पंछीड़ा लाल आछी पढ़ियो रे उलटी पाटी