ब्रह्मा चाले विष्णु चाले
चाले नंदी साथ मैं,
मनै भी जाणा सै भोले
मनै ले चल तेरी बरात मैं,
सारे नाटके बात सेब तो,
बाबा तेरे हाथ में ,
मनै भी जाणा सै भोले,
मनै ले चल तेरी बरात मैं,
फिर भूत प्रेत और बागड़ बिल्ले,
सारे साथ मैं चाल पड़े,
फिर देख देख कै इनके थोबड़े,
सबके कालजे हाल पड़े,
सारे जावै बाकी ना इब,
रह री मेरै गात मैं,
मनै भी जाणा सै भोले,
मनै ले चल तेरी बरात मैं,
डी जे ऊपर नाचण का मनै,
चाव कसूता चढ्या पड्या,
तेरै ब्याह के लाडू खाण नै,
मन मेरा भी अड्या खड्या,
तेरै हाथ में डमरू बाजै,
चिमटा मेरे हाथ मैं,
मनै भी जाणा सै भोले,
मनै ले चल तेरी बरात मैं
सावी लिखै भजन तेरे और,
साथ दिनेश भी गावै सै,
तेरी महिमा गा गा कै नै,
जीवन सफल बणावै सै,
सदा राखिए चरणां मैं इस,
भाण भाई के साथ नै,
मनै भी जाणा सै भोले,
मनै ले चल तेरी बरात मैं,